Böyrək çatışmazlığının başlanğıc mərhələsində olan və ya dializ müalicəsi alan pasiyentlər böyrək nəqlinə üstünlük verməlidirlər.

 

Aztibb.az xəbər verir ki, bu fikirləri həkim-nefroloq Barat Yusubov səsləndirib.

 

Hazırda böyrək nəqlinin son dərəcə müvəffəqiyyətlə aparıldığını deyən həkim bunun böyrək çatışmazlığı olan pasientin uzun və sağlam yaşamasını təmin edən bir müalicə üsulu olduğun qeyd edib.

 

"Xəstələr arasında səhv bir düşüncə var "mən böyrək nəqli üçün uyğun olmaya bilərəm". Əgər pasiyentdə kardioloji əməliyyata dözə bilməyəcək qədər ciddi ürək-damar problemi və ya xərçəng xəstəliyi yoxdursa o zaman böyrək nəqlinə uyğundur".

 

B.Yusubov əlavə edib ki, tuberkulyoz və hepatit kimi infeksiyon xəstəlikləri olan pasientlərin mikrobik durumu aktiv deyilsə böyrək nəqli ola bilərlər.

 

"Sizə böyrək vermək istəyən bir qohumunuz varsa, canlı böyrək nəqli, imkanı yoxdursa, donor nəqli ilə əməliyyat olma şansını nəzərdən keçirin", - deyə nefroloq bildirib.