Robotlar ABŞ-da koronavirusla mübarizədə iştirak edirlər
25.09.2020 14:21

“Boston Dynamics”in robotları yeni növ koronavirusla (COVID-19) mübarizədə həkimlərə və tibb müəssisələrinə kömək edirlər.


“Boston Dynamics” robotları artıq ABŞ sakinləri arasında koronavirusun müalicəsində aktiv iştirak etməyə başlayıblar. Hazırda onlar Massaçusets ştatında olan bir xəstəxanada fəaliyyət göstərirlər. Bu robotlardan istifadə tibb işçilərinin koronavirusa yoluxma riskini azaltmağa kömək edəcək.


Belə ki, proqramçılar bir neçə həftə ərzində robotları xəstəxananın tibb heyətinə yardım etmək üçün proqramlaşdırmaq məqsədilə onların əsas ehtiyaclarını təhlil ediblər.


Hi-news.ru saytının məlumatına görə, artıq şirkətin "Spot" robotu iki həftədir ki, Massaçusets ştatının xəstəxanalarından birində koronaviruslu xəstələrin müalicəsində yaxından iştirak edir. Hazırda onun əsas vəzifələri teletibblə bağlıdır.


Bu robotdan istifadə həkimə pasiyentlə əlaqələri minimallaşdırmağa imkan verir. Belə ki, "Spot" ona quraşdırılmış kamera və ekranla pasiyentin olduğu otağa daxil olur, videobağlantının digər tərəfində isə həkim təhlükəsiz şəraitdə pasiyentlə ünsiyyət qurur.


Hazırda şirkət mütəxəssisləri robota digər faydalı funksiyaların əlavə olunması üzərində işləyirlər. Onlar "Spot"u pasiyentin temperaturunu, təzyiqini, qanda oksigenin səviyyəsini və s. ölçmək imkanı ilə təmin etmək niyyətindədirlər. Bu halda personalın pasiyentlərlə əlaqəsini minimuma endirmək mümkün olacaq.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!