Aztibb.az xəbər verir ki, konfransın mahiyyəti insult keçirmiş xəstələrin müalicə və reabilitasiyasına olan ən son elmi praktik məlumatların region həkimlərinə (nevroloqlar, fizioterapevtlər, ailə həkimləri) çatdırılmasından ibarət olub.

Bu məqsədlə problemin müxtəlif sahələrinə həsr olunmuş məruzələr təqdim olunub.

 

Elmi-Tədqiqat Tibbi Bərpa İnstitutunun direktoru, t.ü.f.d. Pərvin Əkbərov "Azərbaycanda insultun reabilitasiyasının təşkili" mövzusunda, institutun elmi işlər üzrə direktor müavini, professor Sədaqət Hüseynova "İnsultdan sonra reabilitasiyaya yeni yanaşmalar" mövzusunda və digər elmi işçilər, həkimlər öz mövzularında müasir dövrdə Azərbaycanda dünya protokolları üzrə ən son məlumatları məruzə ediblər.

 

Konfransa Azərbaycanın müxtəlif bölgələrindən həkimlər də qatılıblar.