Sumqayıt Tibb Mərkəzində Tibbi Ərazi Bölmələrini İdarəetmə Birliyinin (TƏBİB) tabeliyində olan tibb müəssisələrində "İcbari Tibbi Sığorta üzrə Xidmətlər Zərfi" nə daxil olmayan ödənişli əsaslarla göstərilən tibbi xidmətlər və sığorta olunmayan şəxslərə göstərilən tibbi xidmətin tariflərınin icrasının həyata keçirilməsi işinin təşkil olunması üçün yaradılmış İşçi Qrupun ilk iclası keçirilib.

Sumqayıt Tibb Mərkəzinin (STM) direktoru Səkinə Sadıxovanın da iştirak etdiyi iclasda STM-in direktor müavini, İşçi Qrupun rəhbəri Təranə Rəcəbli qarşıya qoyulmuş konkret vəzifələrdən danışıb və təşkilatı məsələlər barədə ətraflı məlumat verib.

Bildirilib ki, yaradılan İşçi Qrupun üzvləri STM-in tabeliyində olan tibb müəssisələrində göstərilən "İcbari Tibbi Sığorta üzrə Xidmətlər Zərfi" nə daxil olmayan xidmətlərin tariflərə uyğunluğunu müəyyənləşdirəcək, eləcə də həyata keçiriləcək işlərin planınını tərtib edəcək.

Qarşılıqlı fikir mübadiləsi şəraitində keçən iclasda STM-in direktoru Səkinə Sadıxova müvafiq tapşırıqlarını verib.

Yaxın günlərdə İşçi Qrupun növbəti iclasının keçirilməsi qərara alınıb.