AMEA-nın Əsas binasının Dairəvi akt zalında Azad Həmkarlar İttifaqının təşəbbüsü və təşkilatçılığı ilə AMEA-nın əməkdaşları üçün “İcbari tibbi sığorta” mövzusunda maarifləndirici təlim keçirilib.
Aztibb.az xəbər verir ki, təlim İcbari Tibbi Sığorta üzrə Dövlət Agentliyinin Marketinq və ictimaiyyətlə əlaqələr departamentinin baş mütəxəssisi Elvin Abbasov tərəfindən aparılıb.
Təlimdə icbari tibbi sığorta, TƏBİB-in tabeliyindəki dövlət tibb müəssisələri baradə iştirakçılara ümumi məlumat verilib. AMEA əməkdaşları icbari tibbi sığorta haqları, Xidmətlər Zərfinə daxil olan tibbi xidmətlər, icbari tibbi sığorta çərçivəsində tibbi xidmətlərdən istifadə qaydası, eləcə də Agentliyin müqavilə bağladığı özəl tibb müəssisələrinin siyahısı, özəl tibb müəssisələrində icbari tibbi sığortadan istifadə qaydası və s. haqqında məlumatlandırılıb.
Daha sonra E.Abbasov əməkdaşların çoxsaylı suallarını cavablandırıb.
Sonda AMEA Azad Həmkarlar İttifaqının sədri, professor Habil Qurbanov Elvin Abbasova və İcbari Tibbi Sığorta üzrə Dövlət Agentliyin rəhbərliyinə AMEA-nın kollektivi adından təşəkkürünü bildirib.
