Aztibb.az "Həkimlərimizi tanıyaq!" rubrikasında Xətai Tibb Mərkəzinin uroloq-androloqu Bəhruz Ağayev haqqında məlumatları təqdim edir.

Bəhruz Tanrıverdi oğlu Ağayev 1982-ci ildə anadan olub. 1999-2005-ci illərdə Azərbaycan Tibb Universitetinin Müalicə-profilaktika fakültəsində təhsil alıb. 2005-2008-ci illərdə Xarkov şəhərində Ukrayna Tibb Akademiyasının Urologiya kafedrasında urologiya üzrə klinik ordinatura keçib.

O, 2008-2009-cu illərdə Türkiyənin Ankara şəhərində urologiya üzrə kurs keçib. 2011-ci ildə İstanbul şəhərində Dünya Endourologiya konfransında, 2015-ci ildə Antalya şəhərində Endouroloji konfransda, 2016-cı ildə İranın Tehran şəhərində Endouroloji konfransda, 2016-cı ildə isə Rusiyanın Soçi şəhərində Uro-androloji konfransda iştirak edib.

Bəhruz Ağayev Avropa Uroloqlar Assosiasiyasının, Dünya Endourologiya Cəmiyyətinin üzvüdür.

Həkim Stimul Hospitalda uroloq-androloq vəzifəsində çalışıb. Hazırda Xətai Tibb Mərkəzində endoskopik-laparaskopik və aciq uroloji əməliyyatları icra edir.