Aztibb.az "Həkimlərimizi tanıyaq!" rubrikasında K.Y.Fərəcova adına Elmi-Tədqiqat Pediatriya İnstitutunun (ETPİ) Pediatriya şöbəsinin müdiri Leyla Gülməmmədovanı təqdim edir.
Leyla Gülməmmədova 2005-ci ildə Azərbaycan Tibb Universitetini bitirib. 2006-cı ildə ETPİ-də Pediatriya ixtisası üzrə internatura keçib.
O, 2007-2009-cu illərdə Konsultativ poliklinkada həkim-pediatr vəzifəsində çalışıb. 2010-cu ildən Anesteziologiya-reanimatologiya şöbəsinin kiçik elmi işçisidir. 2010-2018-ci illərdə Pulmonologiya şöbəsində pediatr işləyib. 2018-2021-ci illərdə ETPİ-nin Pulmonologiya şöbəsinin müdiri, 2021-ci ildən isə Pediatriya şöbəsinin müdiri vəzifəsində çalışır.
2019-cu ildə dissertanturaya qəbul olan Leyla Gülməmmədova "Südəmər uşaqlarda pnevmoniyaların müasir, klinik-diaqnostik və proqnostik meyarları" mövzusunda elmi iş üzərində çalışır.
Leyla Gülməmmədova 2018-2020-ci illərdə Əziz Əliyev adına Azərbaycan Dövlət Həkimləri Təkmilləşdirmə İnstitutunda pediatriya ixtisası üzrə "Pediatriya (modul1-4) və uşaqlarda qanyaradıcı üzvlərin xəstəlikləri" mövzusunda kurs keçib. Bir çox beynəlxalq konfrans və konqreslərdə iştirak edib.
O, 2022-ci ildə tibb sahəsində qüsursuz və səmərəli fəaliyyətinə görə ETPİ-nin direktoru Allahverdi Musayev tərəfindən Təşəkkürnamə ilə təltif olunub.
