K.Y.Fərəcova adına Elmi-Tədqiqat Pediatriya İnstitutunda (ETPİ) rezidentlərin elmi fəaliyyətinə dəstək məqsədilə seminar keçirilib.

Seminarda institutun direktoru, t.ü.f.d. Allahverdi Musayev, baş həkim Azər Əhmədov, həkim əməkdaşlar və rezidentlər iştirak ediblər.

Allahverdi Musayevin rezidenti Gülər Əliyeva “NEK” mövzusunda məqalə araşdırmasında NEK-də ən son yeniliklərdən, NEK-in müalicəsində istifadə olunan üsullardan danışıb. O, mövzu üzrə iştirakçıların suallarını cavablandırıb.

İnstitutun direktoru Allahverdi Musayev səhiyyənin inkişafının başlıca şərtlərindən birinin tibb təhsilinin keyfiyyətinin yüksəldilməsi olduğunu bildirib. O, rezidentlərin elmi fəaliyyətinə dəstək məqsədilə, rezidentlərə faydalı olan seminarların proqramlaşdırılması üçün göstəriş verib.