Elmi-Tədqiqat Travmatologiya və Ortopediya İnstitutu Bakı şəhəri, Nəsimi rayonu Abbas Səhhət 32 ünvanında yerləşir. İnstitutun işçi heyəti 87 həkim olmaqla 462 nəfərdən ibarətdir.

 

İnstitutda Poliklinika, Təcili və təxirəsalınmaz tibbi yardım, Ortopediya, Travmatologiya, Əl cərrahiyyəsi və yaralar, Uşaq travmatologiya və ortopediya, Artroplastika və artroskopiya, Radiologiya, Anesteziologiya, reanimasiya və intensiv terapiya, Fizioterapiya, Laboratoriya və s. şöbələr fəaliyyət göstərir.

 

Müəssisədə elmi istiqamətdə Metodik təşkilat və Elmi-tibbi informasiya şöbələri mövcuddur.

 

Elmi-Tədqiqat Travmotologiya və Ortopediya İnstitutunda 1 aprel 2021-ci il tarixindən etibarən icbari tibbi sığorta sistemi tətbiq olunur. Hər bir Azərbaycan vətəndaşı İcbari tibbi sığorta üzrə Xidmətlər Zərfinə daxil olan bütün tibbi xidmətlərdən burada ödənişsiz istifadə edə bilər.

 

Qeyd edək ki, gün ərzində Elmi-Tədqiqat Travmatologiya və Ortopediya İnstitutuna ambulator tibbi xidmət üçün müraciət edən pasiyentlərin sayı 150-200, stasionar tibbi xidmət üçün müraciət edən pasiyentlərin sayı isə 20-40 arası dəyişir.

 

Elmi-Tədqiqat Travmatologiya və Ortopediya İnstitutu sosial şəbəkələrdə:

 

• Feysbuk - https://bit.ly/3EH0Axy

• İnstaqram - https://bit.ly/3T4Fcqk

 

Əlaqə:

 

• E-poçt: info@ettoi.az

• Əlaqə nömrəsi: (+994 12) 440-53-21