14-15 oktyabr 2022-ci il tarixlərində Bakıda Beynəlxalq Qastroenteroloji Onkoloji Hepatoloji sammit keçirilib.

Genişmiqyaslı sammitdə Azərbaycan Endoskopik Laporoskopik Cərrahlar Assosiasiyası, Nowap qrup, Azərbaycan Qastroenteroloq və Hepatoloqları İctimai Birliyinin üzvləri, eləcə də müxtəlif ölkələrdən dəvət olmuş həkimlər heyəti iştirak edib.

Gülanrə Ağayevanın moderatorluğu ilə baş tutan tədbirdə Emin Mahmudov “Mədənin xərçəngdən əvvəlki vəziyyəti diaqnostik perspektivlərin yeni üfüqləri ”, Tolqa Kunduk “İltihablı bağırsaq xəstəliyi”, Amr el Foly “Xolangioskopiyanın diaqnostik və müalicəvi rolu” , Həcər Ağakişiyeva vəə Aqil Ağakişiyev “ERCP ağırlaşmaları” , Gülnarə Ağayeva “Halota qaynaqlığı hepatotoksiklik”, Koray Acarlı “HCC üçün qaraciyər transplantasiyası”, Lubna Kamani “HCC-də sistemli terapiyanın rolu” və  Abdullayev Esmira “Otoimmün hepatitin yeniləmə müalicəsi” adlı məruzələrlə çıxış ediblər.

Məruzələrdə bir sıra tibbi yeniliklərə toxunulub,müxtəlif diaqnostik metodlar və müalicə tədbirləri haqqında iştirakçılara məlumat verilib.

Müşviq Həsənovun sədrliyi ilə keçən seminarda Aqil Ağakişiyev və Həcər Ağakişiyeva “Olimp Hospital”da endoskopik əməliyyat icra edib və cərrahi proses seminarda canlı şəkildə izlənilib.

Tədbirdə qastroenteroloji, qaraciyər xəstəlikləri və müasir tibbi üsullarla bağlı diskussiyalar, fikir mübadiləsi də aparılıb, iştirakçıların sualları cavablandırılıb.