Aztibb.az "Həkimlərimizi tanıyaq!" rubrikasında peşəkar səhiyyə işçilərini tanıtmaqda davam edir.
Rubrikamızın növbəti qonağı "Yeni Klinika"nın ümumi cərrahı Elşən Qədimovdur.
Elşən Qədimov 2005-ci ildə Azərbaycan Tibb Universitetini fərqlənmə diplomu ilə bitirib. 2005-2008-ci illərdə Rusiya Federasiyasında ümumi cərrahiyyə ixtisası üzrə klinik ordinatura təhsili alıb.
O, 2010-cu ildə Rusiya Federasiyasında laparoskopik cərrahiyyə, 2016-cı ildə Türkiyə Respublikası Qazi Universitetində laparoskopik cərrahiyyə, eləcə də 2017-ci ildə IRCAD, Fransada kolorektal onkoloji xəstəliklərin laparoskopik cərrahi müalicəsi üzrə təkmil kursları keçib.
Həkim, həmçinin 2016-cı ildə Ankara Cərrahiyyə Günləri konfransında iştirak edib. 2018-ci ildə Türkiyə, Almaniya və Azərbaycanda keçirilən cərrahi konfranslara təlimçi olaraq qatılıb.
Elşən Qədimovun icra etdiyi əməliyyatlar aşağıdakılardır:
Ümumi cərrahi əməliyyatlar;
Laparoskopik, varikoz, tiroidektomiya;
Qarın boşluğuna dair əməliyyatlar (Öd, mədə-bağırsaq, qaraciyər və dalaq).
