Mərkəzi Gömrük Hospitalının Tibbi laboratoriyasının rəisi Sevinc Gülmalıyeva 3-6 oktyabr 2022-ci il tarixlərində Türkiyə Klinik Biokimyaçılar Assosiasiyasının təşkilatçılığı ilə Türkiyə Respublikasının Antalya şəhərində keçirilən "İrsi Metabolik Xəstəliklərin Laboratoriyası" mövzusunda 4-cü Milli simpoziumda iştirak edib.

 

Aztibb.az xəbər verir ki, simpoziumda laborator diaqnostikanın aktual mövzuları müzakirə olunub.

 

Dünyanın aparıcı mütəxəssisləri tərəfindən “Sağlamlıq və xəstəlikdə funksional biokimya”, “Lipid və lipoprotein mübadiləsində miRNA-lar”, “Hiperlipidemiyalı xəstələrin müalicəsi”, “Trombositlərlə zəngin plazma”, “Laboratoriya statistikası” və digər mövzularda təqdimatlar edilib, laboratoriya sahəsində olan yeniliklər ətrafında geniş müzakirələr yer alıb.

 

Tədbirin sonunda iştirakçılara sertifikatlar təqdim edilib.