Kliniki Tibbi Mərkəzin Travmatologiya şöbəsində müalicə alan pasiyent Xəyalə Əhmədova Mərkəzlə bağlı təəssüratlarını bölüşüb. 

“Avqustun 26-da işdən çıxıb evə gedərkən maşın qəzasına düşdüm. Qəzadan sonra huşumu itirdim deyə heç nəyi xatırlamıram. Məni dərhal Kliniki Tibbi Mərkəzə gətiriblər. Üç gün Mərkəzin Reanimasiya şöbəsində qalmışam. Daha sonra məni Travmatologiya şöbəsinə köçürüblər. Əgər vaxtında Mərkəzin peşəkar həkimlərinin müdaxiləsi olmasaydı, bəlkə də bu gün həyatda olmaya bilərdim. Çünki bura gələndə çox miqdarda qan itirmişdim", - deyə pasiyent qeyd edib. 

X.Əhmədova sentyabrın 16-da Kliniki Tibbi Mərkəzdə əməliyyat olunub, ona qan köçürüblər.

Hazırda özünü yaxşı hiss etdiyini deyən pasiyent qeyd edinbb ki, burada olduğu müddətdə bütün tibb personalı, həkimlər ona xüsusi qayğı ilə yanaşıb: "Bütün əməliyyat xərclərimi icbari tibbi sığorta qarşılayıb. Yaradılmış bu şəraitə görə dövlətimizə və bu işləri görən hər kəsə təşəkkür edirəm”.