Aztibb.az xəbər verir ki, TƏBİB-in tabeliyindəki Masallı Rayon Mərkəzi Xəstəxanasında təşkil edilən təlim proqramının məqsədi tibb işçilərinin peşə və bacarıqlarının artırılması olub.

 

Proqram zamanı iştirakçılara “Helicobakter Pylorinin idarəedilməsi”, “Mədənin düzgün endoskopik diaqnostikası”, “Qastroenterologiyada tənəffüs testləri”, “Portal hipertenziyanın idarə edilməsində yeniliklər” mövzularında məlumatlar təqdim edilib.

 

Təlimdə cənub regionu üzrə yerləşən xəstəxanalarda çalışan 80-ə yaxın həkim-terapevt, həkim-qastroenteroloq və həkim-cərrah iştirak edib.

 

Qeyd edək ki, TƏBİB və AQİEC-in birgə əməkdaşlığı ilə baş tutan təlim proqramının digər regionlarda da keçirilməsi nəzərdə tutulub.