M.Ə.Mirqasımov adına Respublika Klinik Xəstəxanasında "Şəhid ailələri, Əlillər və Müharibə Veteranlarının Müdafiəsi" İctimai Birliyinin müraciətinə əsasən sünnət aksiyası təşkil edilib.

 

Aztibb.az xəbər verir ki, xeyriyyə məqsədi ilə keçirilən aksiya çərçivəsində aztəminatlı, xüsusən də şəhid və qazi ailələrin övladları müəyyən laborator müayinələrdən keçirilib, əməliyyatdan sonra bir neçə saat müşahidə altında saxlanılaraq evə buraxılıblar.

 

Tədbirin sonunda "Şəhid ailələri, Əlillər və Müharibə Veteranlarının Müdafiəsi" İctimai Birliyi tərəfindən Xəstəxananın direktoru Azər İsmayılova Fəxri fərman, həkim kollektivinə, əməyi keçən bütün tibb və qeyri-tibb işçilərinə Təşəkkürnamələr təqdim edilib.

 

Qeyd edək ki, Respublika Klinik Xəstəxanasında mütəmadi olaraq xeyriyyə aksiyaları keçirilir və bundan sonra da davam etdiriləcək.