Hazırda Mingəçevir Şəhər Mərkəzi Xəstəxanasında 37 nəfər şəhid ailəsi çalışır. Onlardan biri də Terapiya şöbəsinin porteri Lətifə Rəhimovadır. 

Aztibb.az xəbər verir ki, L.Rəhimova 1988-ci ildən Mingəçevir səhiyyəsinin əməkdaşıdır. Onun həyat yoldaşı Rəhimov Nadir Səfər oğlu 1-ci Qarabağ müharibəsində Vətənin müdafiəsi üçün könüllü olaraq cəbhəyə yollanmış və qəhrəmancasına düşmənlə mübarizəyə qatılmış və 1992-ci ildə Ağdərənin Çaylı kənd istiqamətində gedən döyüşlərdə şücayət göstərərək şəhid olmuşdur.

Həyat yoldaşının xatirəsini daim əziz tutan L.Rəhimova xəstəxanada çalışdığı müddət ərzində burada müalicə alan qazilərə, şəhid ana və atalarına xüsusi rəğbət bəsləmişdir. İşinin peşəkarı olmaqla yanaşı, xəstələrə göstərdiyi sevgi və qayğıya, diqqətə görə həmkarlarından hər zaman seçilmişdir. Xüsusilə şöbədə stasionar müalicə alan şəhid ailələrinə məhəbbətlə yanaşan Lətifə xanım sanki həyatı yarıda qalan can yoldaşına qulluq edir, illlərdir özünə bu cür təskinlik verir.

L.Rəhimova şəhid Nadir Rəhimovun yadigarı olan 2 övladını şərəflə böyüdür.