Sumqayıt Tibb Mərkəzinin tabeliyində olan Uşaq xəstəxanasında növbəti maarifləndirici elmi seminar keçirilib.

Bu dəfəki seminarda xəstəxananın Acil şöbəsinin həkim-pediatrları Naibə Nəsibova və Gülmirə Məmmədova “Acil şöbəsinin quruluşu və vəzifələri” və "ŞOK” mövzusunda təqdimatlarla çıxış ediblər.

Seminarda Naibə Nəsibova xəstəxananın Acil şöbəsinin fəaliyyətindən danışıb. Gülmirə Məmmədova isə “ŞOK” mövzusunda geniş təqdimat edib.

Tədbirdə təsadüf olunan hallar müzakirə edilib, çoxsaylı suallar cavablandırılıb.

Qeyd edək ki, seminarda Sumqayıt Tibb Mərkəzinin Keyfiyyətə nəzarət şöbəsinin müdiri Dünya Hüseynova və Sumqayıt Uşaq xəstəxanasının baş həkimi Məzahir Müzəffərov da iştirak ediblər.