"Azərbaycan Maarifçi Gənclər" Təşkilatı Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Ağ ölüm” adlı layihə çərçivəsində tədbirlər keçirilib.

 

Aztibb.az xəbər verir ki, layihə 26-30 sentyabr 2022-ci il tarixlərində 2 nömrəli Bakı Baza Tibb kollecində təşkil edilib.

 

Layihənin əsas məqsədi əsrimizin qlobal bəlası olan narkomaniya problemində gəncləri qorumaq və əsas vəzifə isə bu problemin aktuallığını onlara maarifləndirmə yolu ilə anlatmaq olub.

 

Tədbirdə tələbələrə maarifləndirici bukletlər paylanılıb və sertifikatlarla təltif olunublar.

 

Tədbir zamanı narkomaniyadan bəhs edən “Ölümünü özü sifariş edənlər!” adlı sənədli film nümayiş edilib, mövzu barədə müzakirələr aparılıb.

 

Sonda film layihə CD formatında iştirakçılarına tədqim olunub.