1-ci və 2-ci Qarabağ savaşlarının iştirakçısı olan qəhrəman həkim, ümumi cərrah Bəhruz Paşayev Xətai Tibb Mərkəzində fəaliyyət göstərir.  

Aztibb.az xəbər verir ki, o, hər iki müharibədə çoxlu sayda yaralı əsgər və zabiti şəfalı əlləri ilə əməliyyat edib, həyata qaytarıb.

Bəhruz Həbib oğlu Paşayev 1963-cü ildə anadan olub. 1968-ci ildə Azərbaycan Tibb Universitetinin Müalicə-profilaktika fakültəsini bitirib. 1986-87-ci illərdə Kirov şəhərində cərrahiyyə ixtisası üzrə internatura keçdikdən sonra Kirov vilayətində əvvəlcə cərrah, sonra baş vəzifələrində çalışıb.

O, 1990-1998-ci illərdə Azərbaycan Respublikası Daxili İşlər Nazirliyinin hospitalında ümumi cərrah işləyib. 1998-2005-ci illərdə Bakı şəhər Musa Nağıyev adına Təcili Tibbi Yardım Xəstəxanasında baş həkimin müalicə işləri üzrə müavini vəzifəsində çalışıb.

2006-cı ildən Xətai Tibb Mərkəzində ümumi cərrah kimi vətəndaşların xidmətindədir. Həkimin bu sahədə 36 illik təcrübəsi var.  O, abdoninal, təcili torakal, ambulator əməliyyatları icra edir.

Ali dərəcəli cərrah olan Bəhruz Paşayev dəfələrlə ölkədaxilində və xaricdə təcrübə kurslarında, elmi konfranslarda iştirak edib.