"Həkimlərimizi tanıyaq!" rubrikamızda Elmi-Tədqiqat Tibbi Bərpa İnstitutunun Poliklinika şöbəsinin həkim-kardioloqu Tünzalə Seyidəliyeva haqqında məlumatları diqqətinizə çatdırırıq.
Tünzalə Mahmud qızı Seyidəliyeva 1954-cü ildə Qax rayonunda anadan olub. 1980-ci Azərbaycan Tibb Universitetinin Müalicə işi fakültəsini bitirib. 1985-1989-cu illərdə İ.M.Seçenov adına 1-ci Moskva Tibb İnstitutunda kardiologiya üzrə klinik ordinatura keçib.
O, 1981-1985-ci illərdə Qax rayon Mərkəzi Xəstəxanasında həkim kimi fəaliyyətə başlıyıb. 1989-1994-cü illərdə Respublika Diaqnostika Mərkəzində kardioloq vəzifəsində çalışıb.
1995-ci ildən 2020-ci ilədək Türkiyə Respublikasının bir çox klinikalarında kardioloq, institutlarda isə kardiologiya kafedrasının müdiri və araşdırmacı işləyib.
2021-ci ildən ETTBİ-nin Tibbi Reabilitasiya şöbəsinin Terapiya bölməsinin aparıcı elmi işçisidir.
Tünzalə Seyidəliyeva Türkiyə və Azərbaycan Kardiologiya Cəmiyyətlərinin üzvüdür.
