Tədbirdə institutun direktoru, t.e.d., professor Cəmilə Qurbanova çıxış edərək yubilyarın həyat və fəaliyyəti haqqında ətraflı məlumat verib. Bildirib ki, Nigar Qazıyeva müqəddəs Hipokrat andına sadiq qalan, respublikanın zəngin səhiyyə ənənələrini yaşadıb inkişaf etdirən, əhalinin sağlamlığının qorunmasını hər şeydən üstün tutan, insanlara həssas, qayğıkeş münasibət bəsləməsi ilə seçilən tibb işçilərimizdəndir.

 

Cəmilə Qurbanova bu özəl gün münasibətilə yubilyarı təbrik edib, ona möhkəm cansağlığı və fəaliyyətində uğurlar arzulayıb. Daha sonra direktor tibb elminin inkişafında əvəzsiz roluna görə Nigar Qazıyevata "Təltifnamə"ni təqdim edib.

 

Baş həkim Elmar Qaçabəyov da öz növbəsində Nigar Qazıyevanı təbrik edərək onun elmə verdiyi töhfələrdən söz açıb.

 

Yenidoğulmuşların Reanimasiya və İntensiv Terapiyası şöbəsinin müdiri Rüstəm Hüseynov Nigar Qazıyevanın ETMGİ-də fəaliyyətə başladığı ilk illərdən etibarən elmi axtarışlarını həkimlik fəaliyyəti ilə uğurla birləşdirdiyini deyib, yubilyarın ünvanına xoş sözlər çatdırıb.

 

Qeyd olunub ki, Nigar Qazıyeva bacarıqlı həkim və alim kimi, yüksək insani keyfiyyətləri ilə bu illər ərzində kollektivin dərin hörmətini qazanmışdır. O, üzərinə düşən bütün öhdəlikləri bacarıqla, layiqincə yerinə yetirmişdir.