Aztibb.az "Həkimlərimizi tanıyaq!" rubrikasında peşəkar həkimlərimizi tanıtmaqda davam edir.
Cavid Cabbarzadə 1 iyul 1985-ci ildə Ağsu rayonunda anadan olub. 2002-2008-ci illərdə Azərbaycan Tibb Universitetinin Müalicə işi fakültəsində təhsil alıb. 2008-2009-cu illərdə 3 saylı Sumqayıt şəhər xəstəxanasında qulaq-burun-boğaz xəstəlikləri üzrə internatura keçib.
O, 2009-cu ildə Türkiyə Respublikasında keçirilən TUS (Tibdə Uzmanlıq Sınavı) imtahanında uzmanlıq proqramı çərçivəsində qulaq-burun-boğaz xəstəlikləri və baş-boyun cərrahiyyəsi ixtisası üzrə Hacettepe Universitetinə qəbul olub. 2014-cü ildə ixtisası tamamlayaraq qulaq-burun-boğaz xəstəlikləri və baş-boyun cərrahiyyəsi uzmanı olub.
Həkimin ABŞ və Avropada çap olunan nüfuzlu elmi jurnallarda məqalələri dərc edilib.
O, 2018-ci ildə Azərbaycan səhiyyə tarixində ilk dəfə beynəlxalq rinoplastika konfransını - Baku Rhinoplasty Days təşkil edib.
2018-ci ildə Avropa Üz Plastik Cərrahiyyəsi Akademiyasının BOARD serifikatını qazanıb. Qeyd edək ki, Cavid Cabbarzadə bu sertifikatı əldə etmiş ilk azərbaycanlı cərrahdır.
Uzman həkim müxtəlif ölkələrdə keçirilmiş konfrans və simpoziumlarda rinoplastika (estetik burun cərrahiyyəsi) ilə əlaqədar çıxışlar edib, ölkəmizi layiqincə təmsil edib.