Bu gün ATU-nun Tədris Terapevtik Klinikasında Dünya Ağciyər Gününə həsr olunmuş elmi-praktik konfrans keçirilib.
Konfransa klinikanın həkimləri ilə yanaşı, digər klinikalardan olan mütəxəssislər də qatılıblar.
Tədbiri giriş nitqi ilə klinikanın direktoru, professor Surxay Musayev açıb.
Daha sonra klinikanın Pulmonologiya və allerqologiya şöbəsinin həkimi Günel Sadiqova "Post-COVID interstisial ağciyər xəstəliyi: Klinik, radioloji və biomarkerlərin analizi", Günay Əliyeva "Bronxial astma: Müalicədə yeniliklər", Emil Qasımov “Kəskin respirator distress sindrom: Bu konteksdə yeniliklər”, prof. Əlizamin Sadıqov “Qeyri-vərəm mikobakterial ağciyər xəstəliyi: diaqnostikada və müalicədə yeniliklər” mövzusunda məruzələrlə çıxış ediblər.
Məruzələr ətrafında geniş müzakirələr aparılıb, suallar cavablandırılıb.
