Aztibb.az xəbər verir ki, TƏBİB-in tabeliyindəki Bakı Baş Səhiyyə Mərkəzinin rəhbərliyi də əlilliyi olan şəxslərin, o cümlədən gözdən əlillərin işlə təminatı məsələlərinə xüsusi həssaslıqla yanaşır, onların iş təminatı ilə bağlı müraciətləri dəyərləndirilir və onlara əmək qabiliyyətlərinə uyğun iş təklifləri edilir.

 

Hazırda Bakı Baş Səhiyyə Mərkəzinin nəzdində fəaliyyət göstərən 6 nömrəli Şəhər Poliklinikasında 5 nəfər 1-ci qrup, 1 nəfər isə 2-ci qrup gözdən əlil masaj üzrə tibb bacısı və masaj üzrə tibb qardaşı vəzifələrində fəaliyyət göstərir. Həmin şəxslər öz peşəkarlıqları və işə olan nizam-intizamları ilə tibb müəssisəsinin kollektivinin də rəğbətini qazanıb.