Amil Əliyev Kliniki Tibbi Mərkəzin Cərrahi reanimasiya şöbəsinin həkim-anestezioloq-reanimatoloq vəzifəsinə təyin olunub.
Bu barədə Aztibb.az-a Kliniki Tibbi Mərkəzdən məlumat verilib.
Bildirilib ki, Amil Əliyev 12 may 1983-cü ildə Gədəbəy rayonunda anadan olub. 1999-2005-ci illərdə Azərbaycan Tibb Universitetində təhsil alıb. 2007-2008-ci illərdə Müdafiə Nazirliyinin Mərkəzi Hərbi Klinik Hospitalında reanimatologiya və anesteziologiya ixtisası üzrə internatura keçib.
O, 2008-2017-ci illərdə müxtəlif hərbi hissələrdə həkim olaraq çalışıb. 2017-2020-ci illərdə Gəncə Beynəlxalq Xəstəxanasında anestezioloq-reanimatoloq, daha sonra şöbə müdiri vəzifəsində çalışıb. 2020-ci ildən Zığ və Məhəmmədi Modul Tipli xəstəxanalarında Reanimasiya şöbəsinin müdiri kimi fəaliyyət göstərib.