TƏBİB və “GETİNGE” şirkətinin birgə əməkdaşlığı çərçivəsində “Yeni klinika” tibb müəssisəsində “Anesteziyada istifadə olunan cihazlar” və “Mexaniki ventilyatorlardan istifadə” mövzularında təlim keçirilib.

Təlimdə TƏBİB-in tabeliyindəki tibb müəssisələrinin Cərrahiyyə və İntensiv terapiya şöbələrinin həkim və orta tibb işçiləri iştirak ediblər.

Biomedikal üzrə mütəxəssislər Tuğba Çapar və İrem Naneci tərəfindən təlim prosesində süni tənəffüs aparatlarında ventilyasiya rejimlərinin və yeni dianqostik proqram təminatının istifadəsi, anesteziyada istifadə olunan yeni nəsil cihazlar haqqında nəzəri biliklər və praktiki bacarıqlar tədris edilib.

TƏBİB-in İcraçı direktoru Vüqar Qurbanov həyata keçirilən təlim prosesi ilə tanış olub, tövsiyələrini bildirib.

Sonda təlim iştirakçılarını maraqlandıran suallar ətrafında geniş müzakirələr aparılıb.