TƏBİB-in İcraçı direktoru Vüqar Qurbanov “Azərbaycan Respublikası Müdafiə Sənayesi Nazirliyinin 15 illiyi (2005-2020)” Azərbaycan Respublikasının yubiley medalı ilə təltif olunub.

Müdafiə sənayesi naziri Mədət Quliyevin əmri ilə Vüqar Qurbanov 4-cü Azərbaycan Beynəlxalq Müdafiə “ADEX” və 13-cü Beynəlxalq Daxili Təhlükəsizlik, Mühafizə və Xilasetmə “Securex Caspian” sərgilərində, eyni zamanda Vətən müharibəsində yüksək keyfiyyətli və davamlı tibbi xidmətlərin təşkilinə göstərdiyi dəstəyə görə təltif olunub.

Yubiley medalını müdafiə sənayesi nazirinin müşaviri Əlibaba Əliyev təqdim edib.

V.Qurbanov göstərilən diqqət üçün Müdafiə Sənayesi Nazirliyinin rəhbərliyinə təşəkkür edib, bundan sonra da qarşılıqlı, səmərəli əməkdaşlığın davam etdiriləcəyini qeyd edib.