Fiziologiya İnstitutunun baş direktoru beynəlxalq konqresdə çıxış edib  
20.09.2022 10:11

Sankt-Peterburqda Ümumdünya Ürək-Damar və Torakal Cərrahiyyə Cəmiyyətinin (WSCTS) 30-cu Konqresi və “Müasir ürək-torakal cərrahiyyədə aktual yanaşmalar” adlı 11-ci Beynəlxalq Konqres keçirilib. Tədbirdə məruzəçi qismində akademik Abdulla Qarayev adına Fiziologiya İnstitutunun baş direktoru, biologiya elmləri doktoru, professor Ulduz Həşimova iştirak edib.

 

İnstitutdan Aztibb.az-a bildirilib ki, U.Həşimovanın “Melatonin və sirtuinlər qocalmanın və yaşla bağlı ürək-damar patologiyasının potensial biomarkerləri qismində” mövzusunda məruzəsi konqresin molekulyar tibb və onun ürək-torakal patologiyada yeri və roluna həsr olunmuş xüsusi sessiyasında dinlənilib. Məruzədə qocalma və yaşla bağlı xəstəliklərin etibarlı molekulyar biomarkerlər toplusunu hazırlamaq məqsədilə beynəlxalq tərəfdaşlarla, o cümlədən Rusiya Federasiyası Səhiyyə Nazirliyinin Ftiziopulmonologiya İnstitutunun Sankt-Peterburq Molekulyar Tibb Mərkəzi ilə birgə aparılan, Azərbaycanda populyasiya uzunömürlülük fenomeninin tədqiqinə dair Fiziologiya İnstitutunun beynəlxalq akademik layihəsinin nəticələri təqdim edilib.

 

Məruzə konqres iştirakçılarının böyük marağına səbəb olub. Azərbaycan alimlərinin qocalmanın biologiyasının tədqiqinə dair tədqiqatları yüksək qiymətləndirilib və bu sahədə əməkdaşlığın davam etdirilməsinin vacibliyi qeyd olunub.

ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Sürətli döyüntünün tək səbəbi ürək deyil!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!