Mərkəzi Gömrük Hospitalında Gömrük İşçiləri HİB-in təşkilatçılığı, BƏT-nin dəstəyi ilə AHİK tərəfindən çap edilmiş “BƏT-in dayanıqlı inkişafa dair proqram və proseslərində səmərəli iştirakı üçün AHİK-in potensialının gücləndirilməsi” və “2030-cu ilədək Dayanıqlı İnkişaf Məqsədlərini (DİM) həyata keçirmək üçün Azərbaycan Respublikasında görülən tədbirlərin nəzərdən keçirilməsi və qiymətləndirilməsi dövrü üçün hesabat” kitablarının təqdimatı olub.

 

Təqdimat mərasimində Gömrük İşçiləri HİB-nin sədri Səfər İbrahimov, Azərbaycan Həmkarlarlar İttifaqları Konfederasiyasının Təşkilat işləri və məlumat şöbəsinin mütəxəssisi Elxan Şahverdiyev, HİB-in ilk təşkilatının sədrləri və Hİ fəalları iştirak ediblər.

 

Öncə Vətənimizin ərazi bütövlüyü uğrunda şəhid olmuş zabit və əsgərlərimizin əziz xatirəsi bir dəqiqəlik sükütla yad olunub.

 

E.Şahverdiyev tədbir iştirakçılarına AHİK sədri, Milli Məclisin deputatı Səttar Möhbalıyevin salamlarını çatdırıb və Azərbaycan həmkarlar ittifaqlarının ölkə həyatında rolundan, görülən işlərdən, həyata keçirilən layihələrdən danışıb.

 

Daha sonra kitabın təqdimatı ilə bağlı dayanıqlı inkişafın 17 məqsədi, dayanıqlı inkişaf məqsədlərin həyata keçirilməsində milli tədbirlər və irəliləyişlər barədə məlumat verilib.