Aztibb.az "Həkimlərimizi tanıyaq!" rubrikasında peşəkar səhiyyə işçilərini tanıtmaqda davam edir.
Ülviyyə Sadiq qızı Mikayılzadə 1975-ci ildə Bakı şəhərində anadan olub. 1992-1997-ci illərdə Azərbaycan Tibb Universitetində təhsil alıb. 1997-1998-ci illərdə fizioterapiya ixtisası üzrə ETTBİ-də internatura keçib.
O, 1998-ci ildən ETTBİ-də həkim-fizioterapevt kimi fəaliyyət göstərib. 2010-2013-cü illərdə ATU-da "Orqan və toxumaların molekulyar biofizikası" fənni üzrə pedoqoji fəaliyyət göstərib.
2021-ci ilin oktyabr-dekabr aylarında Tibbi Ərazi Bölmələrini İdarəetmə Birliyinin (TƏBİB) və Səhiyyə Nazirliyinin ETTBİ-də keçirdiyi "Yaralıların tibbi reabilitasiyası" adlı təlimlərdə iştirak edib və müvafiq sertifikatlarla təltif olunub.
Fizioterapevt həkim 44 günlük Vətən müharibəsində bölgəyə ezam olunaraq yaralı qazilərin müalicə və reabilitasiyasında fəal iştirak edib.
Ülviyyə Mikayılzadə hazırda ETTBİ-də həkim-fizioterapevt kimi fəaliyyətini davam etdirir.
