Diabetli xəstələr fəsil dəyişmələri zamanı ürək-damar müayinələrinə daha məsuliyyətli yanaşmalıdırlar.

Aztibb.az xəbər verir ki, həkim endokrinoloq Fərhad Burzu bu barədə paylaşım edib.

O, bildirib ki, diabeti olan xəstələrin, təəssüfki böyük əksəriyyətində ürək-damar problemləri də müşahidə olunur. Fəsil dəyişimi zamanı, infarkt, insult kimi ağırlaşmalar daha çox baş verir.

"Bu səbəbdən də, diabetiniz varsa, yanaşı olaraq, xolesterin, yüksək qan təzyiqindən əziyyət çəkirsinizsə, fəsil dəyişimlərində həkim kontrollarına daha diqqətli olun və şəkərin səviyyəsini normada tutmağı unutmayın", - deyə Fərhad Burzu əlavə edib.