Aztibb.az xəbər verir ki, kursun tədrisi Amerikanın Kardioloji Assosasiyasının BLS təliminə, ilkin yardım zamanı tətbiq olunan İLCOR təlimatlarına və Ümumdünya Səhiyyə Təşkilatının (ÜST) tövsiyələrinə əsasən keçirilir.

 

Kurs iştirakçılarına standartlara uyğun ürək-ağciyər canlandırılması (CPR), avtomatik eksternal defibrilyatorun (AED) protokollara uyğun formada istifadəsi, huşu, tənəffüsü, nəbzi olmayan xəstə/yaralıya təməl həyat dəstəyi addımlarını protokollara uyğun tətbiq edilməsi, hava yolu tıxanması yaşayan xəstə/yaralıya uyğun texnikaların istifadəsi öyrədilir.

 

Təlimlər TƏBİB-in Təlim və karyera planlaması şöbəsinin baş mütəxəssisi, təlimçi Nahidə Mahmudova və TƏBİB-in ÜST-lə əməkdaşlığında həyata keçirilmiş layihələr çərçivəsində “Təməl Həyat Dəstəyi üzrə ToT”də müvəffəqiyyətlə iştirak etmiş, təlimçi sertifikatı əldə etmiş, həkim-kardioloq Rəna Hacıyeva tərəfindən aparılır.