K.Y.Fərəcova adına Elmi-Tədqiqat Pediatriya İnstitutu (ETPİ) və "Çocuk Acil Tıp ve Yoğun Bakım Derneği"nin birgə təşkilatçılığı ilə “Uşaqlarda Təkmil Həyata Dəstək”(ÇİYAD) kursunun ikinci günü keçirilib.

 

Aztibb.az xəbər verir ki, nəzəri və praktiki qaydada keçirilən kursun ikinci günündə Doç.Dr.Emel Ulusoy “Travmalı Çocuğa Yaklaşım”, Tanıl Kendirli “Çocuklarda Sık Rastlanan Ritim Bozuklukları”, Murat Duman “Kurs öncesi değerlendirme sınav sorularının tartışılması” mövzularında çıxışlar ediblər.

 

Daha sonra professorlar ETPİ-nin Anesteziologiya, Reanimasiya və İntensiv Terapiya şöbəsi ilə tanış olublar. Burada yaradılmış şəraiti yüksək qiymətləndiriblər.

 

Praktiki hissədə Dinçer Yıldızdaş, Emel Ulusoy “Şok Senaryoları ve İntraossöz girişim uygulaması” Murat Duman, Tanıl Kendirli “Çocuklarda Sık Rastlanan Ritim Bozuklukları” maket üzərində tətbiq ediblər.

 

Sonda yazılı imtahandan uğurla keçən kurs iştirakçılarına sertifikat təqdim olunub.