Mərkəzi Gömrük Hospitalında aşağı ətraf arteriyası tıxanmış 59 yaşlı pasiyent Əbülfət Musayevin sol ayaq damarı əməliyyat olunub.

Aztibb.az xəbər verir ki, pasiyentə balon angioplastika əməliyyatı icra olunub. Əməliyyat Mərkəzi Gömrük Hospitalının Kardiologiya şöbəsinin rəisi, yandal uzmanı, invaziv kardioloq İlqar Tahiroğlu tərəfindən həyata keçirilib.

Pasiyent qeyd edir ki, əməliyyatdan öncə güclü ağrıları və yeriməkdə çətinliyi olsa da, əməliyyatdan sonra bütün problemlər aradan qalxıb.

Ə.Musayev Hospitalda ona göstərilən diqqət və qayğıdan razı qaldığını bildirib, xəstəxananın personalına minnətdarlığını ifadə edib:

“Başda Hospitalın rəhbərliyi olmaqla, əməliyyatımın uğurla icra olunmasında böyük xidmətləri olan kardioloq İlqar Tahiroğluya, eləcə də tibb bacıları və bütün personala dərin minnətdarlığımı bildirirəm”.