Aztibb.az-ın "Həkimlərimizi tanıyaq!" rubrikasında Sumqayıt Tibb Mərkəzinin 1 nömrəli şəhər Xəstəxanasının Kardiologiya şöbəsinin kardioloqu, ExoKQ mütəxəssisi Səltənət Camalova haqqında məlumatları təqdim edirik.

S.Camalova 2005-ci ildə Azərbaycan Tibb Universitetinin Müalicə-profilaktika fakültəsini bitirib. 2005-2006-cı illərdə Elmi-Tədqiqat Kardiologiya İnstitutunda internatura keçib.

O, İstanbul Universiteti Cərrahpaşa Tibb fakültəsinin xəstəxanalarında təkmilləsmə kursu keçib. Bir çox özəl klinikalarda ExoKQ diaqnostik və müalicə həkimi işləyib.

2014-2022-ci illərdə 4 nömrəli şəhər xəstəxanasında (Keçmiş Bərpa Müalicəsi xəstəxanası) həkim-kardioloq işləyib. Hazırda 1 nömrəli şəhər xəstəxanasında həkim-kardioloq vəzifəsində çalışır.

S.Camalova Azərbaycan Kardiologiya Cəmiyyətinin 2 işçi qrupunun üzvüdür. O, Avropa Kardiologiya Cəmiyyətinin 2 protokolunun tərcuməsində iştirak edib.

Həkim bir çox tədqiqatlarda iştirak edib. Hazırda doktorantura üzrə təhsil alır.