Azərbaycan Tibb Universitetinin (ATU) rektoru, professor Gəray Gəraybəyli ilə Sudanın Azərbaycandakı səfiri Mustafa Abdelhaleem arasında görüş keçirilib.

Görüş zamanı professor Gəray Gəraybəyli qonağa ATU-nun fəaliyyət istiqamətləri haqda məlumat verib. Bildirib ki, universitetdə müasir dünya standartlarına uyğun tədris prosesi qurulub və təhsilin keyfiyyətinin daha da yüksəldilməsi üçün ardıcıl işlər aparılır.

Səfir M.Abdelhaleem rektorla görüşməkdən və fikir mübadiləsi aparmaqdan məmnun olduğunu bildirərək, gələcəkdə ATU-nun timsalında ölkələrimiz arasında tibbi təhsil əlaqələrinin inkişaf etməsində maraqlı olduqlarını vurğulayıb.

Qeyd edək ki, hazırda ATU-da 10 Sudan tələbə təhsil alır. Onların 4-ü müxtəlif kursların, daha 4 nəfəri hazırlıq kursunun dinləyiciləridir. 2 nəfər isə rezidentdir.