Kliniki Tibbi Mərkəzi seçən həkimlərin sayı artır.
Aztibb.az xəbər verir ki, kəkim-radioloq Günay Bayramova Mərkəzin tabeliyində olan 5 nömrəli Kliniki Doğum Evinin Radiologiya şöbəsinin həkim-radioloqu vəzifəsinə təyin olunub.
G.Bayramova 14 iyul 1980-ci ildə Quba şəhərində anadan olub.
1985-1995-ci illərdə Quba şəhəri 3 saylı orta məktəbdə təhsil alıb. 1995-2001-ci illərdə Azərbaycan Tibb Universitetində təhsilini davam etdirib.
2001-ci ildə Mərkəzi Dənizçilər Xəstəxanasında şüa-diaqnostikası üzrə internatura keçib.
2002-2017-ci illərdə Elmi Tədqiqat Mamalıq və Ginekologiya İnstitutunda, 2017-2021-ci illərdə isə Baku Medikal Plaza xəstəxanasında həkim-radioloq olaraq çalışıb.
2010-cu ildə Almaniyanın Berlin şəhərində, 2011-ci ildə Litvanın Vilnüs şəhərində diaqnostika üzrə kurs keçib. 2021-ci ildə İngiltərədə neyrosonoqrafiya, doğuşdan sonra ağırlaşmaların diaqnostikası üzrə vebinarlarda iştirak edib.
Bir çox elmi və praktik məqalələrin müəllifidir.