Avqustun 26-dan Rumıniyanın paytaxtı Buxarest şəhərində Birləşmiş Millətlər Təşkilatının “Kimyəvi maddələr və tullantılar üzrə qlobal strategiyanın hazırlanması” üzrə dördüncü iclası keçirilir. BMT-nin "Kimyəvi maddələr beynəlxalq səviyyədə idarəetməyə strateji münasibəti" Təşkilatı, BMT-nin Ətraf Mühit Proqramı, Ümumdünya Səhiyyə Təşkilatı və bir sıra digər nüfuzlu beynəlxalq qurumlar tərəfindən dəstəklənən bu qlobal görüşdə 160-dan çox ölkələrin hökumət, qeyri-hökumət və beynəlxalq təşkilatların nümayəndələri iştirak edir.

Aztibb.az xəbər verir ki, həmin tədbirdə ölkəmizi Dövlət Gömrük Komitəsi Tibbi Xidmət İdarəsinin rəis müavini, tibb üzrə fəlsəfə doktoru, dosent İsmayıl Əfəndiyev təmsil edir.

Tədbirdə biokimyavi, kanserogen və zərərli kimyəvi maddələrin istehsalını və istifadəsini məhdudlaşmaşı, təhlükəli pestisidlərin əvəzlənməsi, toksik tullantıların aradan qaldırması, həssas qrupların zəhərli maddələr təsirindən qorunması və digər aktual mövzularda müzakirələr aparılır.

İclasda aparılan müzakirələrin nəticələri 2023-cü ildə Almaniyanın Bonn şəhərində keçiriləcək “Kimyəvi maddələrin idarəetməsi” üzrə BMT-nin 5-ci Beynəlxalq Konfransına təqdim olunacaq.

Sentyabrın 2-də iclasa yekin vurulacaq.