Dövlət Tibbi-Sosial Ekspertiza və Reabilitasiya Agentliyi tərəfindən 2022-ci ilin yanvar – iyul ayları ərzində 38 min 900 şəxsə əlillik təyin edilib. Onlardan 12 min 200-ü ilkin, 26 min 700 nəfəri isə təkrar əlillik təyinatı aparılanlardır. Həmçinin müvafiq dövr ərzində 23 min 900 şəxsə reabilitasiya xidməti göstərilib, 8 min 79 şəxsə 35 min 400 reabilitasiya vasitəsi verilib.

Aztibb.az xəbər verir ki, bu barədə sosial təminat sahəsində aparılan islahatlar və gələcək hədəflər, sosial ödənişlərin ciddi şəkildə artırılması üçün atılan addımlar barədə "Xalq" qəzetində dərc olunan məqalədə qeyd olunub. 

Onu da qeyd edək ki, bu ilin yan­var-iyul aylarında Əmək və Əhalinin Sosial Müdafiəsi Nazirliyinin fəaliyyət sahələri üzrə 346 minə yaxın elekt­ron arayış verilib. Son 4 ildə əmək, məşğulluq, sosial təminat, əlillik, rea­bilitasiya və s. sahələr üzrə elektron­laşma proqramı çərçivəsində 30-dək elektron arayış növü istifadəyə verilib. Nazirliyin e-xidmətləri vətəndaşların iş yerinə və ya əlilliyə dair, pensiya, müavinət və təqaüd, maddi yardım, ünvanlı yardım, dövlət tərəfindən mənzil və avtomobillə təmin edilmə, fərdi şəxsi hesab və s. barədə e-qaydada arayış əldə etmələrinə imkan yaradır.