Aparılan müayinələr nəticəsində məlum olub ki, uşağı bu vəziyyətə salan səbəb sidik yollarında olan ciddi infeksiyadır. Hər iki böyrəyində ciddi genişlənmə mövcuddur. İnfeksiyanın və genişlənmənin səbəbi sidiyin əks istiqamətdə sidik kisəsindən böyrəklərə geri qayıtmasıdır (grade 5 Vezikoüreteral reflüks). Belə vəziyyətdə gözləmək təhlükəli olduğu və dərman müalicəsinə cavab alınmadığı üçün məcburi cərrahi əməliyyat qərarı verilib. Əməliyyatla müvəqqəti hər iki sidik axarı qarnın ön divarına tikilib.

 

Əməliyyat Mərkəzi Klinikanın uşaq cərrahı, uşaq cərrahiyyəsi və urologiyası uzmanı t.ü.f.d Fuad Hüseynov və həkim Günel Əmiraslanova tərəfindən uğurla icra edilib.

 

Məlumata görə, körpə 1 gün sonra bütün riskləri geridə qoyaraq evinə yola salınıb. 1 yaşında 2-ci mərhələ cərrahi əməliyyatın icrası nəzərdə tutulur.