Vətən müharibəsində minaya düşərək bir ayağını itirən kapitan Allahverən Nurəliyev yüksək texnologiyalı müasir protezlə təmin edilib. İş üçün Dövlət Məşğulluq Agentliyinə müraciət edən qazi elə Agentliyin öz sıralarına aparıcı məsləhətçi kimi işə qəbul olunub.

Aztibb.az xəbər verir ki, müharibə zamanı ağır döyüş yolu keçən A.Nurəliyev döyüş tapşırığını həyata keçirərkən minaya düşüb. 

Sol ayağını dizdən aşağı hissəsini itirən Vətən müharibəsi iştirakçısı aldığı müalicələrdən sonra yüksək texnologiyalı müasir protezlə təmin edilib.

Qeyd edək ki, qazi Sumqayıt şəhərində yerləşən reabilitasiya mərkəzində 6 aydan bir reabilitasiya kursları götürür və müalicəsini davam etdirir.