Bəzən valideynlər uşağın temperaturu 37 dərəcə Celsini keçən kimi uşağı xəstəxanaya aparır və ya ona qızdırmasalıcı dərman verir, qızdırma qalxan kimi qıcolma olmasa belə uşağın dilindən bərk bərk yapışırlar. Qızdırmadan qıcolma ilk 5 yaş uşaqların əksəriyyətində ola bilər.

Aztibb.az xəbər verir ki, bu barədə həkim-pediatr Günay Rəsulova məlumat verib. 

Həkim bildirib ki, uzun müddət sürən, gün içində təkrarlayan tutmalar olmasa qıcolma qorxulu hal deyil: "37 dərəcədə belə qıcolma ola bilər. Qorxmaq, panikaya düşərək səhv müdaxilələr etmək qıcolmadan daha zərərlidir. Qıcolması olan uşağı sadəcə böyrü üstə uzandırmağınız və təcili yardım çağırmağınız kifayətdir. Dil iki diş arasında qalıb sıxıldığı halda isə ehmalca dişləri aralayaraq dili xilas etmək lazımıdər".