3 yaşa qədər körpələri açıq günəş altında gəzdirmək, xüsusən gündüz çimərliyə, sahilə aparıb, gündə qaraltmaq olmaz.

Aztibb.az xəbər verir ki, bu barədə Rusiya səhiyyə rəsmisi Elmira Kaşirina bildirib.

Həkim bunu onunla əsaslandırıb ki, körpə uşaqlarda melanin sintezi tam formalaşıb bitmir. Ona görə onlara çimərlik, xüsusən kurort zonalar pis təsir edə bilər.

Amma 3 yaşdan sonra uşaqları kurort çimərliklərinə aparmaq olar. Uşaqlara yalnız SPF 50 tərkibli günəş kremləri çəkilməlidir.

Təhlükəsiz günəşlənmə müddəti 10 dəqiqədir. Kölgədə olanda uşaq UVÇ şüalarından qorunmur. Kölgədə də həmin şüaların təsiri var.

Uşaqların günəşdə olma saatı səhər 10-11 arası, axşam 4-dən sonradır.