Aztibb.az-ın "Həkimlərimizi tanıyaq" rubrikasında bu dəfə Mingəçevir Şəhər Mərkəzi Xəstəxanasının Ginekologiya-Doğum şöbəsinin mama-ginekoloqu Leyla Cəfərovadan bəhs edəcəyik.

Leyla Allahverdi qızı Cəfərova 02 avqust 1985-ci ildə Rusiya Federasiyasının Serov rayonunda anadan olub. 2003-2009-cu illərdə Azərbaycan Tibb Universitetinin Müalicə profilaktika fakültəsində təhsil alıb. 2009-2011-ci illərdə Ukrayna Respublikasının Kiyev şəhərində Diplomdan sonrakı Təhsil üzrə Şupik adına Milli Tibb Akademiyasının Klinik-Ordinaturasında mama-ginekologiya üzrə təhsilini davam etdirib.

O, 2012-ci ildə Mingəçevir ŞMX-nın Ginekologiya-Doğum şöbəsində mama-ginekoloq vəzifəsində əmək fəaliyyətinə başlayıb.

Gənc həkim 2018-ci ildə Belarusiya Respublikasının Minsk şəhərində təkmilləşmə kursu keçib.

Mütəmadi olaraq seminar və kurslarda iştirak edən Leyla Cəfərova işlədiyi sahə üzrə biliklərini daha da inşikaf etdirir.