Biomühəndislərin donuzun dərisi əsasında əldə etdikləri buynuz implantı Linçyopinq Universitetindən (İsveç) olan tədqiqatçılar tərəfindən müvəffəqiyyətlə 20 pasiyentə köçürülüb.
Aztibb.az naked-science.ru-ya istinadla xəbər verir ki, bu barədə "Nature Biotechnology" jurnalında çap olunmuş məqalədə məlumat verilib.
Bu implantlar ağır patologiyalı insanların görməsini əhəmiyyətli dərəcədə yaxşılaşdırıb. Bu kəşf keratokonus və bənzər xəstəliklərin müalicəsində yeni perspektivlər açır.
İnsanda uzun elastik liflər yaradan kollagen zülalı buynuz qişa daxil olmaqla insanın müxtəlif toxumalarına möhkəmlik verir. Ancaq öz-özlüyündə kollagen nisbətən az bərkdir və asanlıqla dağılır. Tədqiqatçılar kollagenə lazımlı xüsusiyyətləri əlavə etmək üçün kimyəvi reaktivlərdən və ultrabənövşəyi şüadan istifadə ediblər.
Qeyd edək ki, buynuz qişa xəstəlikləri görmənin itirilməsinin ən geniş yayılmış səbəblərindən biri hesab olunur. Dünyada 17 milyondan çox insan məhz bu səbəbdən görməni itirib.
