İshal və qarın ağrısı uzun müddətdir davam edirsə bu əlamətlər xoralı kolitin göstəricisi ola bilər.

Aztibb.az xəbər verir ki, cərrah-proktoloq və endoskopist  Anar Əliyev sözlərinə görə, tez-tez ishal olur, qarın ağrısından əziyyət çəkir, nəcisdə qan və ya selik görürsünüzsə, bu əlamətləri görməzdən gəlməyin.

Xoralı kolit yoğun bağırsağın selikli qişasında iltihab və xoraların yaranması ilə müşayiət olunan xroniki iltihabi bağırsaq xəstəliyidir. Xəstəlik bəzən kəskinləşmə və sakitləşmə dövrləri ilə davam edir. İshal, qarında sancı, təcili defekasiya ehtiyacı və halsızlıq həyat keyfiyyətinizə təsir göstərə bilər.

Düzgün diaqnoz üçün müayinə və uyğun laborator analizlər, ehtiyac olduqda isə kolonoskopiya və biopsiya aparılır. Müalicə xəstəliyin aktivliyinə və yayılma dərəcəsinə uyğun seçilir.

Əgər bu əlamətlər sizdə də varsa, səbəbini dəqiqləşdirmək üçün həkimə müraciət edin. Erkən diaqnoz xəstəliyin nəzarətdə saxlanmasına kömək edir.