Azərbaycan Həmkarlar İttifaqları Konfederasiyasının (AHİK) tabeliyindəki "Abşeron” mədə-bağırsaq sanatoriyası Bakı şəhərindən cəmi 35 km aralıqda, Abşeron yarımadasının sahilində, Mərdəkan qəsəbəsində yerləşir.
Aztibb.az xəbər verir ki, sanatoriya iki korpus üzrə 188 çarpayıya, 21 ikinəfərlik lüks kateqoriyalı, 67 ikinəfərlik birotaqlı və 6 birnəfərlik nömrələrə malikdir. Burada böyük və kiçik konfrans zalları, istirahət otaqları, yeməkxana, həmçinin tennis meydançası, hovuz, geniş istirahət parkı və s. mövcuddur.
Sanatoriyanın xidmətlərinə yod-brom vannaları, naftalan terapiyası, parafin terapiyası və təbii palçıq vasitəsilə müalicə prosedurları daxildir. Buranın müalicə bazası kliniki-diaqnostik laboratoriya, funksional diaqnostika, müalicəvi bədən tərbiyəsi, masaj və müxtəlif profilli tibbi kabinetlərdən ibarətdir.
Tibbi göstərişlər
- Mədə və 12 barmaq bağırsağın xorası
- Xroniki qastritlər
- Xroniki kolit və enterekolit
- Xroniki xolesistit
- Xroniki hepatit
- Mədə və öd kisəsinin əməliyyatdan sonrakı vəziyyəti
- Xroniki pankreatit
- Şəkərli diabet
Tibbi əks-göstərişlər
- Kəskin fazada olan bütün xəstəliklər
- Epilepsiya
- Psixiki pozuntular
- Onkoloji xəstəliklər
- Hipertoniya xəstəliyi, III dərəcə
- Çanaq boşluğu orqanlarının zədələnməsindən sonra əmələ gələn funksional pozuntular (sidik və nəcisin saxlanılmaması)
Sanatoriya növbəti imkanlara malikdir:
- Müalicə-diaqnostik kabinetlər və laboratoriyalar
- Təbii yod-brom vannaları daxil olmaqla, balneoloji müalicəxana
- Elektroişıq müalicəsi
- Mastika yaxmaları
- Naftalan terapiyası
- Palçıqla müalicə
- Masaj
- Müalicəvi bədən tərbiyəsi
- İqlim terapiyası
Müalicə nəticələri təcrübəli mütəxəssislər tərəfindən müşahidə olunur.
Zərurət yarandıqda, siz növbəti mütəxəssislərin xidmətlərindən yararlana bilərsiniz:
- Uroloq
- Ginekoloq
- Nevropatoloq
Əlaqə nömrələri: (+994 12) 454 35 30, 454 23 50
