Gənc həkim fəaliyyətini Kliniki Tibbi Mərkəzdə davam etdirəcək - TƏYİNAT
10.08.2022 10:35
Həkim-reanimatoloq Afaq Əkbərova fəaliyyətini Kliniki Tibbi Mərkəzdə (KTM) davam etdirəcək.
 
Mərkəzdən Aztibb.az-a verilən məlumata görə, o, KTM-nın Ümumi terapevtik reanimasiya şöbəsinin həkim-reanimatoloq vəzifəsinə təyinat alıb.
 
Afaq Əkbərova 11 avqust 1991-ci ildə Bakı şəhərində anadan olub. 2010-2016-cı illərdə Azərbaycan Tibb Universitetində təhsil alıb. 2017-2020-ci illərdə Kliniki Tibbi Mərkəzdə anesteziologiya-reanimatologiya üzrə rezidentura keçib.
 
 
O, 2020-2022-ci illərdə Baku Medical Plaza klinikasında anestezioloq-reanimatoloq vəzifəsində çalışıb.