TƏBİB-də YAP-ın ərazi partiya təşkilatının iclası keçirilib.

Tibbi Ərazi Bölmələrini İdarəetmə Birliyində (TƏBİB) Yeni Azərbaycan Partiyasının (YAP) ərazi partiya təşkilatının ilk iclası keçirilib.

Tədbirdə ərazi partiya təşkilatının sədri Şəmsi Gülverdiyev və TƏBİB-in YAP üzvü olan əməkdaşları iştirak edib.

Görüşdə TƏBİB ərazi partiya təşkilatına yeni üzvlərin qəbul edilməsi məsələsi, partiyanın qarşıdan gələn 30 illiyi münasibətilə keçiriləcək tədbirlər və cari məsələlər müzakirə edilib.

Açılış nitqi ilə çıxış edən Şəmsi Gülverdiyev YAP-ın ötən illərdə keçirilən qurultayları və 2021-ci ilin mart ayının 5-də keçirilən VII qurultayında qəbul edilmiş yeni Nizamnaməsini iştirakçıların diqqətinə çatdırıb.

Ş.Gülverdiyev daha sonra ərazi partiya təşkilatı tərəfindən həyata keçiriləcək tədbirlər barədə də məlumat verib.