Azərbaycan Tibb Universitetinin (ATU) Ağız və Üz-çənə cərrahiyyəsi kafedrasının dosenti Nigar Sultanova tərəfindən Azərbaycan populyasiyası arasında başın və üzün antropometrik müayinəsi aparılır.

Aztibb.az xəbər verir ki, bu antropoloji meqalayihə çərçivəsində üç yaş qrup aralığında olan 1200 sağlam şəxsin (600 kişi, 600 qadın) müayinəsi planlaşdırılıb. Araşdırma zamanı başın və üzün 50 antropometrik parametri ölçülərək 100 nisbət indeksinin öyrənilməsi və normaları üzrə məlumat bankının yaradılması nəzərdə tutulur. Hazırda ATU-nun Tədris Cərrahiyyə Klinikasında ABŞ-da istehsal olunan Bellus 3D üz skaneri (ARC-7 modeli) vasitəsilə elmi-tədqiqat işi davam edir, artıq 800 nəfər müayinədən keçib.

Tədqiqat nəticəsində ilk dəfə Azərbaycan populyasiyasında kəllə-üz kompleksinin antropometrik parametrləri və nisbət indeksləri əsasında kompüter proqramı işlənəcək.